للبنات بس اذا ربنا فك عقدتك واتخطبتى

+
----
-
ربنا فك عقدتك واتخطبتي

فإليك نصائحي حتى تأخذي بخطيبك من مركب الخطوبة إلى مثوااااه الأخير في قفص
النسانيس ،،،،،قصدي قفص الزوجية السعيد

أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشوفيها بعد الجواز



المهم نصائحي لك عند أي عزومة مع خطيبك


1- الشوكه والسكينة
الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا من البوز زي الخنجر ولا من فوق طبعًا

2- العيش
العيش أوعي تفضحينا وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة ،،لقمة بالعافية قال يعني نفسك مسدودة
اضغطي على نفسك ،وبعدين لما تروَّحي إبقي كلي في بيت زي مانتيِ عايزه

3- الشوربة
بند الشوربة ده مهم جدًاااا
أبوس ايديك تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون
وطبعــاً عايزك تنسى تمامًا السلطانية اللي بترزعيها على بقك في البيت وتدلقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة

4- الرز
طبعاً بيتاكل بالشوكة أوعي إيدك تتمد علي معلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش فلح
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
إذا كنتي عارفاه
أول ما طبق الجمبري ينزل.. بصيله بقرف واحتقار شديدين وانتي اصلا عمرك ما شفتيه قبل كده
واعملي
آل يعني زهقانة من كتر أكل الجمبري الجامبو ف بيت بابـي
وأتنهدي جامد وقولي.. برضه؟؟؟
وتروحي قاطعة راس الجمبرياية بالشوكة
أنا فى عرضك إنسي المصمصة دلوقتى

8- البطاطس
سواء مسلوقة أو محمرة
أوعي تهرسيها و دبيها على الرز وتكلي لا،،لا،،لا
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

9- الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي ياحبيبتي سيبك من نظام التفتفة للبذر
إنسي

10- لما تخلصي
ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أدامي أسبوعين هبطل أكل فيه
وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
وبعدين تستأذني منه لدخول التوليت علشان تصلحي المكياج
وتدخلي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــاء

يسلموا على هاد الموضوع الرائع وربى يفك ازمتكوا جميعا وتتخطبوا مليتوا البلد وهتبوروا

ههههههههههههههههههههههههههههههههههههههههه واطي يا تيتو

هههههههههههههههههههههههههه علي رايك والله مرسي ليكم كلكم عشان نورتم موضوعي....... وبعدين ياتيتيو مين دة اللي يبور سيب البنات بس في حالهم وربنا هيسهلهم